bakit.blogsome.com

Nabasa ko lang sa Ambot Ah blog na may bagong pinagkaka-abalahan na pala si presidente. Siya ngayon ay isa na ring blogger. Ang blog niya mababasa dito. Ang tanong ko bakit?. Ayan may bakit na naman. So bakit nga ba?

Gusto ko na sanang maniwala sa kay presidente nga yung blog pero bumigay ang manunulat nitong hapon lang. Pero ok lang kahit na hindi naman talaga si presidente ang may ari ng blog. Nakatuwaan lang ng mga tao ngayon na gawing katatawanan ang image ng presidente. Nakaka-aliw. Parang showbiz na showbiz na rin ang pinoy blogosphere.

Kung pagbukas niyo ng browser niyo kaninang umaga at bumulaga sa inyo ang balita na merongTRO ang PCIJ blog, alam ko kung ano ang unang pumasok sa isip mo. Bakit? Tama. Bakit nga ba?

Ang katanungan ay masasagot ng article na nasa PCIJ ukol dito. Pero kung katulad mo ako na medyo may kahinaan, halika isi-share ko sayo ang katiting na nalalaman ko sa TRO na yan.

Ang TRO o Temporary Restraining Order ay binibigay ng korte para pigilin kung ano man ang ginagawa ng isang entity, tao man o hindi. Sa hindi taong entities, example nito ay mga corporations. Basta may legal identity, yari sa korte.

Binibigay ang TRO dahil hinihingi ng isang partido na umano ay naapakan ang karapatan. Ang TRO ay may term na nakasaad. Hindi pwedeng indefinite dahil temporary nga. Hindi po ito ibig sabihin guilty ang pinatawan nito.

Na TRO ang PCIJ Blog dahil ito umano ay lumapas sa right to privacy ng pamilyang Tiongco. Kaya ayan, ginupit ng korte ang freedom of speech ng PCIJ.

Ayan, sana naliwanagan kayo ng konti. Magenrol nalang sa Law School kung gusto niyo ng extensive explaination ukol sa TRO, baka pumasa pa kayo sa BAR. Medyo nabasa ko lang sa isang primer. Dahil di naman ako abogado, kung may mali sa sinabi ko comment nalang sa ibaba.

Bakit sikat ang Pinoy Big Brother ngayon? Siguro alam na ng nakakarami kung bakit. Pero, bakit nga ba? Ano ba ang show na yan? Ano ba meron sa show na yan? Sino-sino ba ang mga nandiyan? Bakit inaabangan ng marami?

Ang Pinoy Big Brother ay isang reality show. Ang reality show ay isang palabas kung saan ang mga karakter ay mga totoong tao. Mapa artista man o hindi. Basta ang tema ay tungkol sa tunay na buhay. Iba ito sa True-to-life story dahil ito ay nangyayari sa kasalukuyan. Ang True-to-Life story ay istorya na hango sa nakaraan. Dapat walang script ang reality show. Ito ang pinaka-recipe ng kasikatan ng mga reality tv show sa ngayon.

Sa Pinoy Big Brother, tulad ng ibang reality tv show ay may mga taong lumalaban kontra ang ibang kasamahan sa show para sa premyo. May mga natatanggal at ang ma-iwan ay siyang panalo. May mga challenges silang ginagawa upang ipakita kung bakit sila nararapat na ma-iwan sa show. Depende sa tipo ng pagtanggal ang strategy ng mga miyembro. Ang tanggalan sa Pinoy Big Brother ay bina-base sa boto ng mga miyembro at mga boto ng mga manonood sa pa-mamagitan ng txt - negosyo po to.

Dahil sa boto ng mga manonood lalong sumaya ang Pinoy Big Brother. Bawat manonood ay may kanya-kanyang idolong sinusuportahan. Kaya iboboto niya ang kanyang idolo at sisiraan ang mga kalaban nito. Maghahanap siya ng mga kakampi at away na ng mga fans. Lagyan mo pa ng konting controversy at perpekto na ang iyong show.

Bakit pare-pareho tunog ng mga banda ngayon. Pakinggan mo ang HALE, Cueshe, Sugarfree, Imago, Kitchie Nadal, Mojofly at marami pang iba. Sa sobrang pagkakahawig ng pagka-tugtog ay di ko na tuloy alam kung isang buong album pinapakinggan ko pag nakinig sa FM stations.

Parang usong-uso ang 70’s to 80’s look sa mga to ngayon. Pag nanood ka ng MTV at MYX ganun din. Noong una kong narinig ang mga ganyang tipong tugtog ay nakaka-refreshing ng dating. Pero di naglaon ay lahat ganyan din ang tugtog. To the point na, nakakasuka na. Pero marami pa rin na-gagandahan. Syempre pag marami pang mga fans ang gustong makinig, tuloy pa rin ang mga ganyang genre.

Buti nalang minsan sa NU107 may mga foreign bands na napatugtog. Pero ganun pa rin ang tunog eh. Ano ba tawag dun? EMO ba yun? Parang pina-sosyal na version ng mga kanta ni April Boy Regino. Mga kanta na parang love song, parang galit sa mundo, parang ewan.

O ang mga galit dyan comment nalang sa ibaba.

Kahit saan ako pumunta, bukang bibig ng mga tao ay Pinoy Big Brother. Kanya-kanyang idolo. Sa mga forums nag aaway ang mga fans. Tanga daw si ganito, me topak naman daw si ganyan.

Ano ba talaga inaabangan dun? Inherent na siguro sa tao maging voyeur. Nagi-enjoy tayong nanonood ng mga pribadong pangyayari sa buhay ng ibang tao. Kaya marami ang mga tsismosa’t tsismoso. Kailangan malaman ang mga sikreto ng iba.

At, oo nga pala, bakit tila yata lahat ng show ng ABS-CBN ay may Pinoy Big Brother na portion. Sobra ang pag market nila sa Pinoy Big Brother. Para bang ito nalang ang sasagip sa palubok na nilang network. Wala na bang iba?

Ang galit mag comment nalang sa ibaba.

Magda-dalawang linggo na nakalipas nang maipasa ko ang application ko para magka broadband. Hanggang ngayon wala parin. Napuntahan ko na ang opisina ng landline company dito sa bahay at ang sabi eh wala pa daw available. Teka teka.

Sabi sa akin ng nag inquire ako, “wala pang available”. Nagtanong ako kung ano ibig sabihin ng “wala pang available”. Sagot ng babaeng Customer Service ay “wala pang available”. Tanga ang p&%@.

Nagtanong ulit ako. Baka ‘kako ibig nilang sabihin wala silang tao o kulang ang equipment. Diin pa rin ng babae, “walang available, sa area”. Inquire nalang daw ulit. Ok.

Kaya eto. Nasa dialup pa rin. Sus, magbabasa ka lang ng news sa INQ7.net mauubos ang load mo. Sa sandamukal na mga blogs ang babasahin ko, matagal tagal din ang hihintayin ko.